bullubjáninn

Þá er maður fluttur

Sun, 24 Jun 2007 12:41:59 GMT

Og það er æði :) Vorum með innflutingspartý á föstudaginn. Það var bara helvíti fínt. En núna er allt fluttningsstressið búið og þá tekur bara nýtt stress við. Undirbúningur fyrir bruðkaupið. Núna eru ekki nema 48 dagar til stefnu 8| Eins gott að fara að byrja sko. Fórum í gær upp að Fitjum í Skorradal. Og þar vil ég gjarnan hafa veislun. Það er alveg rosalega fallegt að keyra inn Skorradalinn. Bara erfitt að trúa því að þetta sé á Íslandi. Og það er æði að koma að Fitjum. Fallegur staður og fín aðstaða til að hafa veislu. Pínulítil kirkja og allt voða kósý. Þannig að það er þá allavega ákveðið. Verst hvað það er langt þarna inn eftir :P

Svo í vikunni ætla ég að reyna að drattast í það að versla efnið í kjólinn svo ég geti farið að byrja á að sauma. Og svo þurfum við líka að fara að ákveða hvernig verður með boðskortin og fara fljótlega að senda þau. Það er svo margt sem þarf að gera :o Eins gott að ég á tengdamömmu sem hefur gaman af að skipuleggja svona því annars væri ég í vondum málum sko :)

Komin með lyklana!!

Wed, 13 Jun 2007 17:17:21 GMT

Ætla að reyna að komast með slatta af kössum í kvöld! Og svo fer stóra draslið á morgun og þá sofum við fyrstu nóttina okkar í nýja húsinu okkar. Vá, get varla beðið.:o

Hefði gjarnan viljað flytja í kvöld en er ekki alveg með heilsuna í það. Var heima í dag og í gær þar sem snillingnum mér tókst að veiða mér blöðrubólgu!! Og það á heitasta degimum sem af er þessu sumri! Hvað er málið sko? Maður á ekki að fá blöðsubólgu á sumrin. En ég svaf sama og ekkert síðustu tvær nætur og var því með þrumandi hausverk þegar ég vaknaði af tveggjatíma blundinum sem ég náði í morgun. Ætlaði í vinnuna en hausinn mótmælti hverri einustu hreifingu. Sem betur fer er blöðrubólgan svo gott sem horfin en hausinn er með sprengihótanir á fullu. Ekki gaman. Verð vonandi í góðum gír á morgun svo ég geti farið í vinnuna og svo flutt :)

Fordómar

Mon, 11 Jun 2007 11:52:36 GMT

Ok, allir hrópa alltaf að þeir séu með öllu fordómalausir. Svo ef dýpra er grafið má finna einhverja fordóma hjá flestum. Kanski ekki neina merkilega. Ég skal alveg viðurkenna að ég er með smá fordóma gagnvart múslimum. Er hreinlega hrædd við bókstafstrúarfólk, sérstaklega múslima. En það sem varð kveikjan að þessu rausi mínu var hlutur sem ég sá á barnalandi í einni umræðunni. Ein var að spurja hvort hann Alexander Aron væri ekki barasta ágætur einkaþjálfari. Þá kom þetta mjög svo vitiborna svar frá einni mannvitsbrekkunni á svæðinu: "Ég bara get ekki treyst einkaþjálfara með þetta nafn. Myndin af 4 ára strák í sandkassaleik víkur ekki úr huga mér." Þessi er augljóslega ósátt og fordómafull gagnvart svokölluðum "tísku"nöfnum. Og hún er sko ekkert ein í þessum hópi. Alveg merkilegur andskoti hvað fólk getur velt sér upp úr nöfnum annarra og verið með skítaskot á sum þeirra. Og fullyrðingarnar um að börn sem heita sérstökum nöfnum verði frekar fyrir einelti hef ég alveg ofnæmi fyrir. Við verðum því miður að sætta okkur við það að ekki allir hafa sama smekk þegar kemur að nöfnunum sem við veljum á afkvæmin okkar. Er nokkuð viss um að sumum af þessum leiðindarbeljum sem væla hvað mest finnst nafnið á Róslunni minni alveg hræðilega sykurhúðað og væmið. Það finnst mér aftur á móti alls ekki.

En til að tala um eitthvað skemmtilegt þá ætla ég að skifta um umræðuefni áður en ég fer út í einhverjar blammeringar á þetta fordómafulla pakk. Við fórum í síðustu viku og skrifuðum undir alla pappíra þannig að frá og með 15. júní eigum við húsði okkar :D Þannig að í síðasta lagi á föstudaginn erum við að fara að flytja, loksins!! Get varla beðið. Er hálfnuð með að pakka. Vona bara svo innilega að við fáum íbúðina afhenta eitthvað aðeins fyrr svo við getum verið með innflutningspartý bara á föstudaginn, það væri snilld :)

Loksins!

Mon, 04 Jun 2007 15:37:10 GMT

Eins og Svava orðaði það svo skemmtilega um daginn, loksins er maður að verða fullorðin. Núna styttist í að við flytjum. Fengum já frá íbúðalánasjóðnum í dag og þar sem íbúðin stendur auð þá var fasteignasalinn mjög svo bjartsýnn á að við værum að fara að flytja bara um helgina :haha:

Ræð mér varla fyrir kæti og er sko byrjuð að pakka niður. Og það verður sko aðal áhugamálið næstu dagana get ég sagt ykkur :D Svo er bara að vona að allt gangi í gegn á fimmtudaginn eins og fasteignasalinn vonaðist til fyrir okkur. Þá getum við bara farið að koma okkur.

Við verðum örugglega með víðáttubrjálæði fyrst eftir að við flytjum. Að fara í þrisvar sinnum stærra húsnæði verður sko munaður. Og fá loksins eldhús sem er stærra en frímerki! Og sér herbergi undir öll leikföngin hennar Róslu! Guð, get varla beðið. Þetta verður þvílíkur munaður! :haha:

Og tala nú ekki um munaðinn að hafa bílskúr sko. Þá getum við farið að byrja að gera eitthvað í camaronum. Jah, eða Ásgeir getur farið að gera eitthvað í honum og ég fæ að þvælast fyrir :P

En allavega, best að reyna að koma einhverju í verk hérna svo ég sitji ekki bara og fyllist af orku og springi svo :P

Ég hata aumingja

Wed, 23 May 2007 11:44:39 GMT

Þá er ég að meina raunverulega aumingja og lúsera. Raunverulegur aumingji í mínum bókum er til dæmis manneskja sem níðist á dýrum. Það er einn svona aumingji og fæðingarhálfviti hér í Hveró. Hann hefur víst búið hér lengi, því miður. Sem betur fer veit ég ekki hver þessi aumingji er því ég er ekki viss um að ég gæti sleppt því að hegða mér virkilega illa gagnvart honum. Þetta er sem sagt aumingjatýpan sem hatar ketti og drepur þá. Ketti sem aðrir eiga. Er hægt að vera viðurstyggilegri en að taka annara manna gæludýr og bara láta þau hverfa. Á tímabili voru nokkrir kettir sem drápust eftir að hafa komist í rottueytur. Þarf enginn að reyna að segja mér að það hafi verið slys.

Núna eru 3 kettir auglýstir týndir, allir búa þeir í sömu götunni. Tveir meirað segja á sama heimilinu. Jújú, auðvitað týnast kettir, verða fyrir bílum aumingja sem ekki láta neinn vita og henda þeim bara í næstu tunnu. En það þarf enginn að segja mér að tveir kettir af sama heimilinu verði báðir fyrir bíl einhvers fávita á sama tíma. Er farin að trúa því að það hafi ekkert verið slys þegar Yrjan mín hvarf á sínum tíma. Ætla mér sko skammarlaust að kenna þessum aumingja um það. Ef ég vissi hver þetta væri og hefði vald til þá mundi ég svo sannalega gera þessari manneskju lífið eins leitt og hægt væri. Svona fólk er jafn réttdræpt í mínum augum og fólk sem níðist á börnum. Vona svo sannalega að þetta ógeð fái það sem mér finnst hann eiga skilið.

Og já ég veit það, ég er illgjörn manneskja

Ó mín góðvild sko!

Sat, 05 May 2007 09:50:33 GMT

Mikið skelfing er ég fegin að Rósla er einkabarn enn sem komið er. Er ekki viss um að ég hefði lifað af með tvö með stuttu millibili. Hann Júlíus kom hingað í gær, Róslu til mikillar gleði, og gisti hér hjá okkur í nótt. Þarf varla að nefna það að íbúðin er eins og eftir loftárás. Rósla er nú nokkuð dugleg að dralsa til en þau tvö saman er sko ekki gaman fyrir mig :| Það er dót um allt gólf. Og ég mátti gjöra svo vel og fara á fætur rétt yfir 7. Ekki gaman.

Þá er það ákveðið

Fri, 27 Apr 2007 12:59:33 GMT

11. ágúst er dagurinn! Stóri dagurinn í lífi mínu. Þann dag ætla ég að verða gift kelling! Loksins er búið að neggla dag og þá get ég farið að plana almennilega. Verður allt svo miklu raunverulegra þegar það er komin dagsetning. Get ekki beðið :D Þarf að fara að vinna í því að finna efni í kjól og gera almennilegt snið og læti. Og ákveða hverjir eru nógu merkilegir til að fá boð í þennann merkisviðburð :P

Svo erum við á fullu að láta okkur dreyma um að eignast okkar eigið húsnæði. Erum orðin svoldið leið á að búa í skókassa :P Planið er að drífa okkur í greiðslumat og fara að gera eitthvað í þessu ástandi. Svona fyrst að Ásgeir er komin í svona góða vinnu og allt lítur svona skemmtilega út fyrir okkur. Það er meirað segja séns að við sleppum því að selja Broncoinn! Sem eru æðislegar fréttir :D Elska þennann bíl nebbla :P Væri snilld að getað haldið honum áfram :)

arg og garg

Mon, 16 Apr 2007 14:22:50 GMT

Merkilegur andskoti. Var búin að skrifa hérna svaka fínt væl sem svo bara hvarf. Þetta er sko einn versti mánudagur sem ég hef upplifað lengi. Það er bara allt á móti mér held ég. Vaknaði fúl, þreytt, pirruð og aðeins of seint. Komst að því að lata ég hafði gleymt að bjarga blauta sandborna regngallanum hennar Róslu úr pokanum sem honum var troðið í á föstudaginn. Sem varð til þess að ég varð að setja hana í úlpuna sem ég ætlaði að þvo í síðustu vikku og er vægast sagt viðbjóðsleg. Veiddi hálfbráðinn sleikjó úr vasanum, bara til að toppa ógeðið. Hálf hljóp hérna út úr húsi svo aumingja Ásgeir fékk ekki einu sinni koss bless. Krakkinn mátti hafa sig alla við til að halda í við mig og var alveg búin á því þegar hún var komin í leikskólann. Þegar Elísa pikkaði mig upp við leikskólann fékk ég þær fréttir að í dag þyrfti að bera út auka þar sem ein hringdi sig veika. Ömó! Svo pikkaði ég inn sæmilega færslu hérna áðan sem bara hvarf! Eins gott að restin af þessum degi verði sæmilegur því þetta er meira en nóg pirringsefni fyrir einn dag :|

föstudagurinn 13

Sat, 14 Apr 2007 08:54:56 GMT

Jæja, þá er hann búinn. Hann var frekar ömulegur að mínu mati. Fékk slatta af köstum :P byrjaði daginn á hræðslukasti, fékk svo panikkkast, fýlukast, brjálæðiskast og svo framvegis. Gleymdi samt algjörlega að fá tiltektarkast :/ klaufaskapur var það! En það er of seint að grenja það. Ég er síðan búin að komast að þeirri niðurstöðu að ég ætla bara alveg að sleppa því að sjá "The Messengers" með Ásgeiri. Er bara búin að sjá trailerinn og er farin að fá hræðsluköst yfir honum. Þoli ekki minn ofvirka heila :| Þannig að líklegast er gáfulegast að láta Ásgeir bara horfa einann á allar draugamyndir fyrst hann þarf endilega að hafa gaman af þeim :S Í staðinn sleppi ég því að neyða hann til að góna á vælumyndir :P Örugglega ekkert gaman að hafa mig grenjandi á öxlinni hvort eð er :haha:

Greddupadda!

Sun, 25 Mar 2007 18:14:38 GMT

Og í þetta skifti á það sko ekki við um mig heldur kattarkvikindið. Hún er aftur byrjuð að breima, nýbúin :| Tók sér vikupásu! Er búin að redda pillunni fyrir hana en hún virkar greynilega ekki um leið og hún kingir henni :o Svo heldur þetta gerpi að tærnar á mér séu eitthver kynlífsleikföng, sérhönnuð fyrir hana. Alltaf að reyna að fróa sér á þeim.! Óþolandi andskoti. En vonandi er þetta síðasta breimið hennar ever. Um leið og við höfum efni á því þá verður hún sko tekin úr sambandi.

úbbosí

Sun, 18 Mar 2007 09:40:54 GMT

lalalí :)

Alltaf gaman að koma fólki á óvart og svona. Þar sem ég er unglingamamma í Bláfellinu þá varð ég náttla að henda hundinum út að pissa núna áðan. Og þar sem þetta hundspott er svo vel alið þá getur maður bara hent henni út og kallað svo bara á hana eftir smá stund. Hún fer ekkert af lóðinni. En hún ver sitt og geltir á óboðna gesti sem koma of nálægt :P Heyrði hana einmitt gelta í morgun. Rík af stað út í hurð og hleyp næstuma á rússann sem ber út fréttablaðið (póstkassinn er alveg við þvottahúsinnganginn). Býð auðvitað góðann daginn, garga á hundinn að þegja og drullast inn og byð mamminn að afsaka þetta. Besta var að þarna stóð ég hálfnakin í hurðinni, bara á nærum og brjóstahaldara :o Vonum bara að hann hafi notið útsýnisns aðeins ;)

Ný vika

Tue, 13 Mar 2007 11:31:42 GMT

Og só far bara voða næs. Það er voða þægilegt að vakna öll saman svona. Bara allir á lappir 7 og bara dúllast við að komast í gang. Ég var agalega montin af skottunni í gær. Hún lét mig í alvöru vita með pínu fyrirvara að nú þyrfti hún að pissa. Vanalegast hefur hún ekki látið vita fyrr en hún er búin að pissa allavega smá á sig. En í gæt, tvisvar sinnum meirað segja, lét hún vita með nægum fyrirvara. Þetta segir mér að þetta er alveg að hafast. Það gerist samt enn eitt slys á dag að meðaltali en það er allt í læ :) Ég get lifað við það. Hef ekki sett á hana bleiu núna í einhverjar 2 vikur. Læt þær samt setja á hana eina í útiverunni í leikskólanum. Nenni ekki að þrífa útifötin oft í viku, fer bara illa með þau.

Ég er alveg að verða búin að taka stutta hárið á Ásgeiri í sátt. Ég er svo vanaföst að það er hræðilegt. Mér finnst alveg agalegt að sjá hann svona stuttkliptann og hökutopslausann :| En þetta bara hlítur að venjast, vona það allavega. Finnst reyndar verra að hann sé ekki með hökutoppinn lengur. Fljót að venjast hárinu en ekkert skegg finns mér alveg agalegt :S

Sunnudagur

Sun, 11 Mar 2007 12:02:18 GMT

Og ég er nýskriðin á lappir :) Svo gott að getað sofið út loksins, kominn mánuðu síðan síðast. Sibbi kom heim á föstudaginn þannig að Róslan er í bænum. Það var alveg æðislegt að getað stungið af út á föstudagskvöldið og ekkert þurfa að pæla í stelpunni. Til að fá frið frá kettinum og þessu bévaða breimi þá var hún bara lokuð inn á klósti. og þar verður hún geimd næstu daga meðan við sofum eða erum ekki heima. Nenni ekki meiru pissuveseni frá henni í bili.

En ætli maður verði ekki að hætta þessu röfli og fóðra betir helminginn. Og kanski sjálfa mig í leiðinni :P

Skál!

Wed, 07 Mar 2007 20:52:22 GMT

Í dag er góður dagur :) Sem er ástæðan fyrir því að ég er með rautt í glasi :) Flónið sem ég er að skála fyrir er reyndar ekki á staðnum :| En það verður að hafa það.

Var með hnút í maganum í allann dag og fékk hjartslátt í hvert skifti sem síminn hringdi. Var að bíða eftir símtali frá Ásgeiri. Og var innilega að vona að hann mundi hafa góðar fréttir að færa. Hann fór nebbla í atvinnuviðtal í gær. Var mjög spenntur fyrir þessari vinnu. Og hann átti sem sagt að fá svar í dag um hvort hann fengi hana. Og mér (og honum auðvitað líka) til mikillar gleði fær hann vinnuna :D Sem er æði því hún er á Sleffossi. Þannig að hann þarf ekki að fara að vinna í bænum aftur eins og útlit var fyrir. Og þetta er vinna við hluti sem hann hefur mikinn áhuga á sem er snilld :D Þanig að nú fær hin vinnan bara fingurinn sko :haha:

Akkúrat núna er ég með köku í ofninum. Finnst þetta gott tilefni til að baka :P

En og aftur SKÁL!

Ömó dagar

Tue, 27 Feb 2007 13:59:11 GMT

Dagur tvö í pirring og skapvonsku :| Ég er svo agalega meðvirk þegar kemur að vanlíðan þeirra sem standa mér næst. Það er "smá" pirringur í gangi í vinnunni hans Ásgeirs og ég er búin að vera svo pirruð og reið yfir því. Reyndar ekki bara síðustu tvo daga, það er bara verra þá daga sem hann er að vinna. Ég er svo fúl yfir þessu öllu og hálfpartinn með móral yfir að hafa dregið hann hingað í Hveró. Finnst þetta allt einhvernvegin mín sök :| Var búin að gleyma hversu vond tilfinning það er að virkilega óska einhverjum ills og meina það :S Svo oná þennann pirring kemur bögg út af Róslu og bleyjumálum. Hún var svo dugleg að pissa í klóstið í veikindunum þannig að ég virkilega trúði því á sunnudaginn að núna mundi þetta bara hafast. En nei, hún þrjóskast enn við :| Pissaði 5 sinnum á sig í gær eftir að hún kom heim úr leikskólanum :| Var orðin frekar tæp á skapinu hérna. Þannig að það er kanski ekki furða að Ásgeir sá sig knúinn til að stinga bara af í bæinn í gærkvöldi. Hefði örugglega ekki verið gaman að vera heima með fúlu mér.